AH BU QAPILAR

                                     

                                                           

                           Səssizlik sonra qapı cırıltısı...                         

                     

    İçəri heç kim daxil olmadı.

Sadəcə küləyin şıltaqlığı ucbatından 

   qapı həmişəki dözümsüzlüyünü göstərdi.

Buraların qapılarında problem var deyəndə

 kimsə inanmır mənə.

Di gəl gör ki qapıları çox sevirəm. 

Oğuz xaqanın dediyi kimi "Qapısız ev olmaz".

Ulu xaqanın çox maraqlı sözləri var. 

Qapı sadəcə açılıb örtülən bir 

qurğu deyil ki... 

Qapı,aləmlər arası bir "dayanacaq"dır.

Hərə bir qapı ağzında  gözləyir,

 amma açılmayan qapılar qərarlarında qətiyyət göstərirlər.

Aləmlərarası səyahəti(fantastik səslənir) 

qapılarsız təsəvvür etmək olmaz.

Əslində qapı simvolu,xarici mühitdən gələn 

şeyləri qəbul etməyi, 

arzulananan atmosferə  daxil olmağı, 

məkan dəyişikliyini 

və yeni fürsətlərin doğuşunu 

özündə ehtiva edir.

İngilislərin belə bir adəti varmış : 

Qapı döyüləndə ev sahibi 

tez  əlinə pencəyini,

çətirini götürür sonra qapını açır.

Əgər gələn arzu olunan qonaqdırsa,

”Mən də elə indicə çatmışam,

buyurun içəri”,

əks halda “Təəssüf ki,təcili işim çıxdı,getməliyəm.

Tezliklə  bunun əvəzini çıxaq” deyirlərmiş

Necə də “nəzakət”lidirlər axı... 

Bu qərblilərin nəyi olmasa da “etika”ları var.

Aramızda qalsın,deyəsən,çox şeyləri var. 

Reklamlarda,xəbərlərdə,proqramlarda ən çox eşitdiyimiz 

 ifadələri yadınıza salın : “Avropa Standartları”,

”Müasir qərb texnologiyası”, 

”Avropa dəyərləri”,”Çağdaş sivilizasiya”,

”Avropa modeli” və s.

İnsanlar nədənsə  bu sadalananların arasında sadəcə 

“Avropa dəyərləri”ni əlində bayraq tutub 

kosmetik xarakterli “dəyişikliklər”in arxasınca qaçırlar.

 Nümunə götürməyin,dünya təcrübəsindən 

yararlanmağın əleyhinə deyiləm,

lakin təqlidçilikdən  iyrənirəm.

 Düz adamdırlarsa,qərblilərin elmi-texniki  tərəqqilərini 

örnək götürsünlər,

amma yox digər “əyləncəli proseslər”i 

icra etmək asandır axı... 

 Kimdi elmlə,texnologiya ilə məşğul olan elə ?

Bu sözlər,fikirlər bizi yalnız qoysa da axıra qədər 

özünəməxsusluq,hadisələrə fərqli yanaşmaq,

ətrafımızda olan şeylərə uyğun şəkildə

 odekvat olaraq baxış bucağımızı  dəyişmək

”Bu dünyanın adamı deyilsən” deyənlər 

bilsin ki lazım  gəlsə J ,

özümüzə yeni bir dünya qurarıq...