X küçədən keçir(ətrafına baxa-baxa);
Y evdə oturub gözləyir(görəsən kimi?).
X-in gözü bir qapıya ilişir, rəngi və zəngi
çox xoşuna gəlir.
Təfəkkür edir : Həqiqətən qəşəng zəngin
səsi maraqlı olar?
Y divardakı saatına baxır,amma aynada
illər əvvəlki özünü görür.
X zəngə toxunur-toxunmaz(aman Tanrım)
Y qapını açır;
7 saniyəlik baxışma mərhələsindən
sonra aralarında bu cür
dialoq yarandığı nəql olunur(!)
Y : Kim lazımdır?
X : heç kim...
Y : Axı zəng?!
X : səsini eşitmək üçün
Y : bəs zəng işləməsəydi
X : qapını döyərdim
Y : Evdə mən olmasaydım...
X : aramızda belə bir maraqsız
söhbət keçməzdi.
* Y məyus olur : O qədər il sonra
bu qədər maraqsız söhbəti gözləmişdi?
* X peşman olur : zənglər çalınır,qapılar açılır,
insanlar məyus,söhbətlər maraqsız...
Hiç yorum yok