GİZLİ HÖKM

                                             

                      

  

Gözlənilən vaxt gəldi.Tarixin qaranlıq dəhlizlərindən 

süzülüb gələn  səs məbəddəkilərə işarə verdi. 

Kainatın ulu memarının hüzurunda toplaşan 

ali seçilmişlər əzab çəkən 

 ruhlarını sakitləşdirmək,

elmi həqiqətlərin isığından məhrum olmuş 

 qaranlıq dünyanı aydınlatmaq üçün ayinə başladılar. 

Bu zaman oxunan ilahilər və fəda edilən 

qurbanların əmələ gətirdiyi 

 “müsbət" enerji təbəqəsi yeni dünya quruluşu 

prinsiplərinin həyata keçirilməsinə 

xeyir-dua verir. 

Əsrlərdir davam etdirdikləri 

“müqəddəs qardaş”lıqlarını 

gələcək nəsillərə miras qoya bilmək üçün 

topluluğa yeni namizədləri qəbul edirlər.

Təbii ki,namizəd,qəbul ayinindən 

əvvəl bir çox 

sınaqlardan üzüağ çıxmalı,

ali seçilmişlərin etimadını doğrultmalıdır.

Bütün bu uzun proseduralardan 

sonra dəyərli namizəd,məbədə dəvət olunur,

gözləri bağlı şəkildə 

gizli ayinin tələb etdiyi şərtləri yerinə yetirir və

 ritualın  ustadının icazəsi ilə gözlərini açır.

Elmi Həqiqətlər İşığının 

(simvolik ampullar) qamaşdırdığı gözləri ilə 

“seçilmiş qardaş”larını süzür, 

ayağa qalxıb ritualın qanunlarına uyğun şəkildə

 onlarla qucaqlaşır və sıralarına daxil olur.

Artıq bütün ömrünü,“ali seçilmiş”lərin

 “müqəddəs hədəf”lərinin həyata keçirilməsi 

istiqamətində görüləcək

işlərə həsr edəcək,səviyyəsi yüksəldikcə

 “qardaşlıq sir”lərinə vaqif olacaq,

Kainatın Ulu Memarının uyğun gördüyü

 Elmi Həqiqətlərin 

 İşığının rəhbərliyi ilə həyatına davam edəcək.

O,”mən” deyil,

”müqəddəs biz”in önəmli bir parçasına çevrilir.