Həyatda bir çox maraqlı hadisələr
qapı kənarında baş verir.
Anlaşılmayan şeylər qapı
açılarkən,ya da bağlanarkən aydın olur.
Aman Tanrım! Birdən qapı
açilmazsa... onda nə olacaq?
Maraqlı nüanslar bəzən maraqsız
suallar ortaya çıxarır hansı ki,
onları cavablandırmaq o qədər də
bezdirici deyil.
Yaşadığım yerdə qapılarda problem var.
Divarlarda güzgü görmək istədiyin
vaxtlarda,səslər eşidirsən :
"Arada aynaların yalanını
eşitməyə ehtiyacı olur onun"...
İnsan seçim edərkən həmişə
"nələrinsə" kənarında olur.
Oturub “söhbət edir”dilər(sözün
düzü,bir-birinin xəyallarında yeri olmayan
insanlar göz- gözə belə baxa
bilmir).
İki şəxsin dialoq qurmaq əvəzinə
"dəhşətli" monoloqlar burulğanında limana yanaşması...
Dəhşətli səssizlik ən böyük
fəryaddır.
Hər kəs bu “işgəncə”nin tezliklə
bitməsini
istəyir,amma heç kim sözə başlamaq
istəmir.
Onları da qınamaq olmaz nə
danışsınlar ki…
İkisi də qarşı tərəfin söyləyəcəklərini
təsdiq etməyə hazırdır.Tanrım,sadəcə
bir cümlə,
cümləni qoy kənara, sadəcə bir söz
lazımdır.
Yoxsa bu söz “açar söz” rolunu
oynayır,heç bizim xəbərimiz yoxdur.
Elə sözlər var ki,onlar deyilməlidir.
Bir çox hadisələrin gedişatında
deyilməyən sözlər,
deyilən sözlərdən daha təsirli olur.
Ona görə də insanlar danışmaqdan qorxur.
Çənələrinin boşalması,ürəklərinin ən
dərin
yerində qalan qara sözlərin
dillərinə gəlmə ehtimalı
kimi hallar onları narahat edir.
Necə etməsin? Uzun müddət qoruduğu
“səssiz”liyi bir anlıq “həqiqət eşqi”
çılğınlığına qurban verməməlidir.Bu qədər
cəsarət bir çoxları üçün lazımsız,
hətta ağılsızlıqdır.
Əşi işin olmasın bu vəziyyətlə !
Həmin səssizlik,
sadəcə sükutun hökm sürdüyü anlardan
ibarət deyil,
özündə şablon cümlələri,”zorakı”lığa məruz
qalmış
dialoqları,pərdələnmiş sözləri ehtiva edir.
Aramızda qalsın,sözlər də bu
olanlardan
dilxordu.Funksiyalarını yerinə yetirə
bilməməsi
onları götür-qoy etməyə vadar edir.
Sözlər belə götür qoy etməyə cəhd
edir,
həqiqətin meydana çıxmasına töhfə
verməyə
çalışırlar.Arada fikirləşirəm,sözlər dilə
gəlsə,
onları əyib-bükən,gizlədən
insanlarla nə
danışar(yoldaşlar,siz nə
fikirləşirsiniz bu barədə?).
Məncə bu fikir belə çoxlarının
yuxusunu
qaçırdır.Əvvəlcə lənət “seans”larına başlayıb
yekun fəsildə duayla bitirirlər maraqlı səyahətlərini.
Bəzi insanlar sözləri,fikirləri
ifadə edə bilməməklə ittiham edir.
Müəyyən qədər haqlı ola bilərlər.
Görəsən,bu dərəcə reallığın bəyan
edilməsi üçün
Sözlərin funksionallığına nəzarət
edən bəşər övladları mövcuddur?
Hiç yorum yok