Keçmişi ilə hesablaşmadan sakitlik tapa bilməyəcəyini anladı.
Belə bir qərara gəldi :
Onları dəvət edəcək,danışacaq,son nöqtəni qoyacaqdı.
62 yaşlı qəhrəmanımız,adının
Gəray olmasına baxmayaraq
həyatında 62 maraqlı şey tapa
bilməyən(çoxumuz birini də tapa
bilmir) maraqlı insandır.
Nəhayət ki,gözlənilən gün gəldi çatdı.
Otağa daxil oldu və hər kəsin gəlib stol
arxasında əyləşdiyini gördü.
Otaqdakılarla tanış olaq :
20 yaşlı (Gəray),35 yaşlı (Gəray),45 yaşlı(Gəray)
və 62 yaşlı maraqlı insan.
Heç kim danışmırdı.Qəhrəmanımız söhbət
mövzusuna giriş etmək üçün sözə başladı :
62 yaşlı(G) : Xoş gəlmişsiniz.Sizi gördüyümə o
qədər məmnunam ki ...
Otaqdakılar narazı halda oturmuş,bir-birlərini
göz altından süzürdülər.
20 yaşlı (G) : Bir də məndən soruş.
Elə bildim ki,səninlə təkbətək danışacağam.
Bu sistem "qul"larının burada olacağını
bilsəydim,gəlməzdim.
45 yaşlı(G) : Sənə dedim ki axmaq yeniyetməni
çağırma !
35 yaşlı(G) onun sözünü kəsdi,
içəridəkilər qışqırışmağa başladı.
35 yaşlı(G) : Günah məndədir ki,yararsız
insanların arasında oturmuşam.
20 yaşlı(G) : Kəs səsini kaftar ! İşlər başı sənsən.
Yaşlandıqca qorxaq,xudbin və ruhsuz bir adama
çevrilirsən.
35 yaşlı(G) : Bu xəyalpərəstə bax !
Bütün dünyaya meydan oxuyur.
20 yaşlı(G) : Sənin kimi "realist" olmaqdansa
xəyalpərəstlik yaxşıdır.
62 yaşlı Gəray mətbəxə getdi,əlində bir qazan
mərci supu ilə içəri qayıtdı
62 yaşlı (G) : Üzrlü hesab edin,ac olduğunuzu unutdum.
Ona görə də bir-birinizin ətini yeyirsiniz.
Hamımızın xoşladığı yemək gətirmişəm.
Buradakı hər kəs səndən və
bir-birindən nifrət edir.
Bu yığıncaq yaxşı fikir deyildi.
62 yaşlı (G) : Məni anlayın! Son nəfəsimi verənə qədər
Hər kəs gülüşməyə başladı,amma qısa müddət
sonra mühit "soyudu".
20 yaşlı(G) : Bütün əsəblərim korlandı.
Kapitalist dünyanın
komprador əclafları çərənləyir.
45 yaşlı(G) : Axı 100 dəfə demişəm,gülünc
terminologiyadan istifadə etmə.
35 yaşlı(G) : Sənin kimi riyakar liberal olsun?!
62 yaşlı qəribə insan rahatlıq tapmaq əvəzinə
depressiv bir şəxsiyyətə çevrilirdi.
Artıq bu cənabları dəvət etdiyinə görə yavaş-
yavaş peşman olurdu.
62 yaşlı(G) : Xahiş edirəm ki,siyasi söhbətlərdən uzaq olaq.
20 yaşlı(G) ayağa qalxdı və kinayə ilə gülümsədi.
Hər kəs təəccübləndi və biraz da narahat oldu.
20 yaşlı(G) cibindən odlu silahını çıxardı.
20 yaşlı(G) : Yaxşı ki əliboş gəlməmişəm.
20 yaşlı(G) : Məncə çox əmin olma.
20 yaşlı(G) silahla əvvəlcə 45 yaşlı(G)-yi sonra
35 yaşlı Gərayı öldürdü.
62 yaşlı qəhrəmanımızın rəngi saralmış,
gözləri bərəlmişdi.
20 yaşlı(G) : İndi danışa bilərik.
Bu dəmdə qapı döyülməyə başladı.
62 yaşlı(G) : İzninlə qapını açım.
20 yaşlı(G) : Açma! Döyər-döyər gedər.
62 yaşlı(G) : Vacib ola bilər.
62 yaşlı Gəray ayağa qalxıb qapıya yönəlir,
20 yaşlı(G) silahı
alnına yaxınlaşdırır və bamm.
62 yaşlı(G) qapını açdı,saçı çallaşmış
bir kişi ilə üz-üzə gəldi.
41 yaşlı şəxs səs-küydən yaman əsəbləşmişdi.
62 yaşlı(G) : Siz kimsiniz ?
41 yaşlı : Qonşunuzam.Burada nə baş verir?
62 yaşlı(G) : Müvəqqəti narahatçılığa görə üzr...
Bir dəqiqə,mən həyət evində qalıram.
Nə aşağı,nə də yuxarı ...
Eee nə deyirəm?! Mənim qonşum yoxdur axı.
Qonşu qəh-qəhə çəkib gülməyə
başladı və belə dedi :
"Burada olan hər şey həqiqətə uyğundu,bircə
qonşunun olmağı fantastikdi?! "
Hiç yorum yok